زميلتي في الدوام تتعمد تشاركني في كل شي حتى وجباتي اللي اجيبها وش اسوي معها؟

سؤال

زميلتي في الدوام تتعمد تشاركني في كل شي حتى وجباتي اللي اجيبها واللي حسبتها ماتقدر تجهز أو مامعها وصرت اجيب لها واقدمه لهاعن طيب خاطر لكن الأمر زاد وصارت تكلم من جوالي وتستخدم أغراضي الشخصية وتاخذ من شنطتي احيانا المبرد او الكريم بدون استئذان وتبيني اوصلها لبيتهم وش اسوي معها؟

إجابات ( 11 )

  1. 2023-01-25T08:50:46+00:00

    ارسل لها على الواتس كلام ياتلميح او صريح قولي ماحب احد يشاركني اغراضي حتى الاكل قولي لها بنقط فيه يوم انا اجيب ويوم انتي وبنسبه لتوصيل اعتذري او قولي بفلوس الان لاقلتي بفلوس بتزعل وتنقد عليك وهي بكل وقاحه بتشاركه بكل شي حتى سيارتك ولاطقت لك خبر

  2. 2023-01-25T08:51:57+00:00

    جارتي قبل عشر سنوات كانت تطلب مني كل شي المواد الغذائية والمواعين وكل شي المواعين ماترجعها الابعد فتره واما المواد الغذائية ابد ماترجع ف البدايه استحيت منهاوعطيهاو تمادا صارت مستمره بطلبات قمت اناعاملتهابلمثل صرت اطلب منهاحتى لوانامابي كذاكل ماطلبت اطلب وبعده توقفت عن الطلبات

  3. 2023-01-25T08:52:11+00:00

    ببساطة جيبي فطور قدك. الجوال حطي له كلمة مرور. اجلسي فترة لاتحطبن اغراض بشنطتك مبرد و كريم لين تتعود ان مامعك شي. يااختي معليش انت بعد معطيتها وووجه

  4. 2023-01-25T08:52:27+00:00

    قولي انا ماحب احد يستخدم اغراضي ولاجوالي

  5. 2023-01-25T08:52:53+00:00

    جاملتيها لين تمادت ،خلاص يكفي!! لازم تصيرين صارمه معها وتعودي تقولين لا،ماينفع تسكتين بكره تطلب اكثر ! امسكي شنطتك بحيث ماتقدر تلمسها ولوطلبت شي قولي اغراضي خاصه ماحب احد يستخدمها ،والجوال قولي ماعندي رصيد ، ولوطلبت توصلينها قولي مابغى اتأخر وخلي كلمتك وحده لاتغيرين رأيك.

  6. 2023-01-25T08:53:05+00:00

    عادي يمكن هي ارتاحت لك ويمكن تكون فال خير لك بعد الله خذي الاجر والله دام الموضوع تقدرين عليه تمسكي فيها مايمنع تقولين لها الا الاغراض الخاصه لكن بأسلوب حلو لو الكل تكلمنا معه وابعدناه عن حياتنا وهو كويس كان الحين عشنا في هم وتفكير و يمكن ماتحصلين اللي ينفعك

  7. 2023-01-25T08:53:49+00:00

    إذا أنت أكرمت الكريم ملكته وإن أنت أكرمت اللئيم تمردا

  8. 2023-01-25T08:54:02+00:00

    انتي عطيتيها وجه من البدايه بعض الناس للاسف يستغل طبيه الشخص لاابعد حد تعودي على كلمه لا واعتذر

  9. 2023-01-25T09:13:56+00:00

    المجامله اكثر من اللازم .. تهلك صاحبها

  10. 2023-01-25T09:14:09+00:00

    من تجربه. هالاشكال راح تتمادى. واخر شي. صارت تهزء اذا خلصت الاغراض. المهم اسحبي عليها وعطيها بوجهها

  11. 2023-01-25T09:14:30+00:00

    انت ماعندك شخصيه للاسف. في ناس مايستحون لانهم شايفين الشخصيه اللي قدامهم متبلده واخذين راحتهم. عشان كذا رجعيها غريبه مثل ماكانت ولاتعرفينها ولاتعرفك والسلام. هذا اللي صار معي ومع جارتي عطيتها فرص بس ماتتعلم وقفلت العلاقه ولاعاد اعرف عنها شي ورقمها حظرته وكل انسان يحترم نفسه

    أفضل إجابة

‫أضف إجابة