ابغى اسوي ذبيحة وودي اعرف كيف اسعار الغنم هذه الايام بالرياض؟

سؤال

ابغى اسوي ذبيحة وودي اعرف كيف اسعار الغنم هذه الايام ، وايش الافضل الحريات ولا سواكني من ناحية حجمها وسعرها افيدوني

إجابات ( 8 )

  1. وعليكم السلام اذا تبي حجم فقط خذ السواكني واذا تبي طعم حلو وشي ينوكل خذ لك حريه لكن علماً ان الحريه اعلى سعر بشوي من السواكني وانتبه من اللي فالسوق تراهم يغشوون كثير اكثرها مضروبه ابره ويعطونها مكعب والمكعب يخلي اللحم اسود خذ ذبيحتك من شخص تعرفه نصيحه

  2. ريح نفسك وروح مطاعم الشلوي واطلب مندي والله انك راح تدعيلي مطاعم الشلوي 011 812 0757

  3. نعيمي نجدي حري سواكني هذا اغلب الي موجود بالسوق اكثرهم لحم وارخصهم السواكني، لكن جودته سيئة، لونه غريب وما يستوي بسرعة وطعمه عادي من تجربة أفضلهم من ناحية الطعم وما فيه ريحة (الحري) وانسبهم بالسعر النعيمي اغلى من الحري بس ريحته قوية جدا نجدي غالي جدا وما جربته

    أفضل إجابة
  4. هذا الرجال يبيع ذبايح وعنده حوش تشوف بنفسك ، الرجال يخاف الله وذمه وضمير للامانه ، اسمه ماجد . 0534349446

  5. اولا هل هو لضيوف او للمنزل او طلعه تفرق معك اذا ضيوف خذ طلي حري او نعيمي و لا تأخذ رخل .. ثاني شي اسعارها من ١١٠٠ الى ١٥٠٠ حسب جرم الذبيحه بمعنى كل ماكان ظهرها و طرفها مليان كل ماكانت مرغوبة .. اذا ماعندك معرفه فشي طبيعي في ناس ماتعرف او خذ من مطعم معروف مثل الرومانسية او غيره

  6. اول شي احسب كم عدد ضيوفك هذا شي مهم عشان تعرف حجم الذبيحه الخيارات حري ثم نجدي ثم نعيمي تأكد من صفاء العين تأكد من نشاط الذبيحه وحركتها تأكد من ظهرها يدك تمسك لحم وليس وأمور أخرى لكن هذي أهمها والله يجملك مع ضيوفك

  7. الحريات مهما صار لا تاخذ سواكني

  8. لا انصحك تشتري من خلال سناب او صور او مقاطع .. الا تروح تشوف بنفسك ..لانة بتشوفه بالمقطع او الاسناب شي خرافي يوم يجيك تلاقي مايسوى ربع مادفعت

‫أضف إجابة